Химия-бактериологиялық зертхана кәсіпорынның маңызды құрылымдық бөлімшелерінің бірі болып табылады.
Зертхана аттестатталған және режимдік комиссияның рұқсатымен патогенді топтың ІІІ-ӀV микроорганизмдерімен жұмыс істеуге және прекурсорлармен жұмыс істеуге лицензиясы бар.
Зертханада халықтың мұқтаждықтары үшін Алматы қаласының тарату желісіне берілетін ауыз судың сапасын бақылауды жүзеге асыру мақсатында химиялық және микробиологиялық зерттеулер жүргізіледі. Сондай-ақ қаланы шаруашылық ауыз сумен қамтамасыз ету үшін пайдаланылатын жерүсті және жерасты көздері суының химиялық және микробиологиялық құрамын бақылау жүзеге асырылады.
Су дайындау стансаларында және тарату желісіне су беру алдында суды тазарту мен зарарсыздандырудың технологиялық процесі сағат сайын бақылауда болады.
Ауыз судың эпидемиялық тұрғыдан қауіпсіздігі және оның химиялық құрамы бойынша зиянсыздығы ауыз су сапасының микробиологиялық, паразитологиялық және химиялық көрсеткіштерінің нормативтік құжаттардың талаптарына сәйкестігімен айқындалады. Сумен жабдықтау жүйесінде оны өңдеу процесінде суда пайда болатын және адамның шаруашылық қызметі нәтижесінде сумен жабдықтау көздеріне түсетін химиялық заттардың нормалары да санитариялық қағидалармен айқындалған.
«Алматы Су» кәсіпорны халықты орталықтандырылған суық сумен үйлеріне жеткізуге дейінгі барлық жұмыстарды тәулік бойы жүзеге асырылады.
Күн сайын қала бойынша төрт машина суды бақылау нүктелерінен алады. Бұл қала аумағында біркелкі бөлінген айына 482-ден астам мекен-жай, су сынамалары су құбыры желісі арқылы өзінің ұзақ жолынан өткеннен кейін дүкендерде, балабақшаларда, мектептерде, ауруханаларда және басқа да нысандарда алынады.
Сонымен қатар, жұмыс бағдарламасына сәйкес химия-бактериологиялық зертхана жыл сайын жаңартылып бекітіледі:
– жылына бір рет жерасты су көздерін толық химиялық талдау жасалады (340 нысан) ;
– жерасты су көздерінің микробиологиялық және қысқартылған химиялық талдауы (340 нысан) жылына төрт рет жүргізіледі;
– микробиологиялық және қысқаша химиялық талдау-аптасына бір рет және кеңейтілген химиялық талдау-айына бір рет жасалады (6 нысан);
– су қабылдағыш орындарынан микробиологиялық және химиялық зерттеу алынады (27 нүкте) аптасына бес рет;
– тәулігіне бір рет тазарту кезеңдері бойынша және жерүсті су қоймаларынан су желіге түсер алдында микробиологиялық зерттеулер жүргізеді (21 нысан)
– сағат сайын тазарту кезеңдері бойынша және жерүсті көздерінен желіге түсер алдында химиялық талдаулар жүргізіледі (тәулігіне 315-тен астам нүкте және 680-ден астам талдау)
Талдауларды орындағаннан кейін жинақталуды есептеу жүргізіледі және осыдан кейін ғана түпкілікті нәтиже беріледі. Талдау нәтижелері қаланың мониторинг жүйесіне жіберіледі.
Зертханада зертханаішілік бақылау жүзеге асырылады. Тоқсан сайын зертхананың барлық мамандары талдаулардың барлық түрлері бойынша алынған нәтижелердің дәлдік нормативтеріне сәйкестігіне бақылау міндеттерін орындайды.
Біздің зертханадан бөлек Алматы қаласының орталықтандырылған сумен жабдықтау жүйесінің жұмысына мемлекеттік қадағалауды санитарлық-эпидемиологиялық қадағалау органдары жүзеге асырады. Жүргізілген тексерулердің нәтижелері Алматы суы сапасының тұрақтылығын және оның нормативтік талаптарына сәйкестігін айғақтайды.